Framsýn gefur Félagi eldri borgara kr. 1.000.000

Á aðalfundi Framsýnar sem fram fór á miðvikudagskvöldið afhendi formaður félagsins Félagi eldri borgara á Húsavík og nágrenni kr. 1.000.000 að gjöf vegna kaupa félagsins á félagsaðstöðu að Garðarsbraut 44 á Húsavík, neðri hæð. Um leið og hann sagði Framsýn óska Félagi eldri borgara til hamingju með húsnæðið og frumkvæði félagsins að skapa eldri borgurum félagsaðstöðu í skapandi starfi til framtíðar sem margir hverjir væru félagsmenn í Framsýn.

adalfundurfram0616 013
Hafliði Jósteinsson fulltrúi Félags eldri borgara tók við gjöfinni og þakkaði vel fyrir sig og félagið. Hann sagði gjöfina koma að mjög góðum notum en unnið væri að því að skapa eldri borgurum á svæðinu viðunandi félagsaðstöðu á Húsavík.