Author: <span>kuti</span>

Formaður Framsýnar, Aðalsteinn Árni, segir það gjörsamlega óþolandi ástand að ekki sé til staðar kjarasamningur á landsvísu fyrir sjómenn á smábátum að 15 brúttótonnum. Það sé mannréttindabrot. Heildarsamtök sjómanna verði að bregðast við því með því að hefja þegar í stað viðræður við Landssamband smábátaeigenda um gerð kjarasamnings. Read more „Óþolandi ástand“

Forsvarsmenn Framsýnar og Fjallalambs skrifuðu undir samning í dag um kaup og kjör starfsmanna í sláturhúsi fyrirtækisins. Formaður Framsýnar, Aðalsteinn Á. Baldursson,  sagðist ánægður með samninginn í samanburði við gildandi kjör starfsmanna við sauðfjárslátrun á Íslandi. Read more „Skrifað undir í dag“

Formaður Framsýnar verður á ferðinni á austursvæðinu á morgun. Til stendur að koma við í Rifós, Silfurstjörnunni og Fjallalambi. Gefist tími til mun hann koma við á fleiri vinnustöðum. Félagsmenn sem þurfa að ná tali af formanninum fyrir austan er bent á að hafa samband við Skrifstofu stéttarfélaganna í dag eða á morgun.

Stjórn Þingiðnar kemur saman til fundar næsta mánudag. Helstu málefni fundarins eru atvinnumál, orlofsmál og kjör fulltrúa á þing á vegum verkalýðshreyfingarinnar. Dagskráin er undir tilkynningum hér til hliðar.

Fulltrúar Framsýnar hafa setið á samningafundi í dag með fulltrúa Svæðafélagsins Kletts félags smábátaeigenda frá Ólafsfirði að Tjörnesi. Aðilar vinna að því að ganga frá kjarasamningi fyrir smábátasjómenn á bátum innan við 15 brúttótonn á félagssvæði Framsýnar. Read more „Samningaviðræður í gangi“

Nokkrir ofurhugar komu að landi í morgun með fullan bát af kræklingi til áframeldis. Aflinn var á annað tonn. Tvö fyrirtæki, Víkurskel og Sæskel hafa verið stofnuð á Húsavík um ræktun á kræklingi til sölu á markaði en þau hafa verið starfandi í tvö til þrjú ár. Read more „Næsta stóriðja á Húsavík!“

Skráð atvinnuleysi á Íslandi í ágúst var 6,7% en að meðaltali voru 11.294 atvinnulausir í ágúst. Atvinnuleysið var 7,7% á höfuðborgarsvæðinu en 5% á landsbyggðinni. Mest var atvinnuleysið á Suðurnesjum 10,4% en minnst á Norðurlandi vestra 2,2%. Þá var atvinnuleysið 6,5% meðal karla og 7% meðal kvenna. Read more „Atvinnuástandið fer batnandi milli ára“

Í gær var réttað í Húsavíkurrétt í fallegu haustveðri og töldu fjáreigendur ástæðu til að flagga í heila enda mikil hátíðarstund á hverju hausti þegar húsvískir frístundabændur ganga á fjöll og smala fé sínu til byggða. Read more „Réttað í fallegu veðri á Húsavík“

Eitt af hlutverkum  Alþýðusambands Íslands er að fylgjast með verðlagi í verslunum landsins. Í því sambandi gerir verðlagseftirlit ASÍ reglulega verðkannanir á vöru og þjónustu, sérstaklega í stórmörkuðum sem skilað hefur góðum árangri enda þarft að veita verslununum og öðrum þjónustuaðilum gott aðhald. Read more „Hvetja til víðtækari verðlagseftirlits“

Neðst í skrúðgarðinum á Húsavík, sunnan Búðarár, stendur Árholt fagurrautt hús með hvítum gluggum. Þetta er annað elsta íbúðarhúsið á staðnum. Árholt hefur alla tíð verið í eigu sömu ættar og á morgun, 8. september verða liðin 120 ár síðan frumbyggjarnir fluttu inn. Hulda Þórhallsdóttir býr þar í dag. Árholt er ef til vill rómantískasta hús á Húsavík, þegar á allt er litið, segir Karl Kristjánsson í fyrsta bindi Sögu Húsavíkur. Read more „Merkileg saga – merkilegt hús“

Fulltrúar Framsýnar hafa síðustu daga fundað með forsvarsmönnum fyrirtækja í Norður-Þingeyjarsýslu um sérkjarasamninga fyrir starfsmenn viðkomandi fyrirtækja. Viðræðurnar hafa verið vinsamlegar og munu væntanlega klárast á næstu vikum. Þá fara fram viðræður í dag milli Framsýnar og Fjallalambs um kjör starfsmanna í sláturtíðinni í haust. Read more „Viðræður í gangi við fyrirtæki á svæðinu“

Ritari Framsýnar og góður félagi, Olga Gísladóttir, átti nýverið stórafmæli en hún varð 50 ára 1. ágúst sl. Félagar hennar í stjórn og trúnaðarmannaráði fannst því við hæfi að færa henni smá gjöf á fundi ráðsins sem haldin  var síðasta sunnudag.

Fulltrúar Framsýnar munu halda suður til Reykjavíkur í morgunsárið til að funda með Bændasamtökum Íslands um kjarasamning fyrir landbúnaðarverkamenn. Fundurinn verður í húsi Ríkissáttasemjara undir hans stjórn og hefst kl. 11:00. Viðræður aðila hafa gengið hægt undanfarið en formaður Framsýnar, Aðalsteinn Á. Baldursson, sagðist vonast til að samningaviðræðurnar færu að klárast. Read more „Samningafundur á morgun“

Frístundabændur á Húsavík munu ganga á fjöll næsta laugardag og smala kindum sínum til byggða. Að sögn fjárbænda á Húsavík áætla þeir að rétta kl. 13:00 í Húsavíkurrétt enda verði gott að smala en þeir vonast eftir góðu veðri. Read more „Húsavíkurrétt næsta laugardag“

Stjórn og trúnaðarmannaráð Framsýnar kom saman til fundar síðdegis í dag. Helstu málefni fundarins voru atvinnumál í héraðinu, kaup Huang á Grímsstöðum og málefni Starfsgreinasambands Íslands. Read more „Atvinnumál, Grímsstaðir og málefni SGS til umræðu í kvöld“

Framsýn- stéttarfélag hefur gert leigusamning við Verkalýðsfélag Akraness um afnot að íbúð félagsins á Akureyri í vetur fyrir félagsmenn Framsýnar. Íbúðin er í Furulundi 8E. Read more „Orlofsíbúð í boði á Akureyri“

Rétt fyrir kl. 17:00 í dag komu kæjakræðararnir  Riaan Manser og Dan Skinstad frá Suður Afríku til Húsavíkur og náðu þar með markmiði sínu að róa umhverfis landið á kæjak. Ferð þeirra hófst frá Húsavík í mars 2011. Read more „Ofurhugarnir komnir til Húsavíkur“

Framsýn hefur ákveðið að standa fyrir trúnaðarmannanámskeiði fyrir trúnaðarmenn félagsins í október.  Um er að ræða tveggja daga námskeið þar sem farið verður yfir þætti eins og sjálfstyrkingu, einelti á vinnustöðum og stjórnunarstíla. Read more „Trúnaðarmannanámskeið í október“

Virk – starfsendurhæfingarsjóður var stofnaður árið 2008 af aðilum vinnumarkaðarins. Helstu verkefni Virk eru að veita einstaklingum, fyrirtækjum og stofnunum starfsendurhæfingarþjónustu og stuðning til að draga úr líkum á því að einstaklingar með heilsubrest detti af vinnumarkaði og styðja þá sem eru utan vinnumarkaðar til að komast þangað aftur. Read more „Námskeið fyrir fólk með skerta vinnufærni eða öryrkja“

Ákveðið hefur verið að boða til fundar í stjórn og trúnaðarmannaráði Framsýnar sunnudaginn 4. september kl. 17:00 í fundarsal félagsins. Aðalumræðuefni fundarins verða málefni Starfsgreinasambands Íslands og kaup Kínverja á landi Grímstaða undir ferðaþjónustu. Read more „Fundað um starfsemi SGS“